Астана. 25 ақпан. ҚазТАГ – Алматы облысының Жамбыл ауданында атом электр станциясын салу туралы қаулы күшіне енді, деп хабарлайды агенттік тілшісі.
«Атом энергиясын пайдалану туралы» Қазақстан Республикасы Заңының 5-бабының 2-тармақшасына және 12-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. «Атом электр стансасы» атомдық қондырғысын салуға арналған аудан – Алматы облысы Жамбыл ауданы туралы шешім қабылдансын.
2. Осы қаулы алғашқы ресми жарияланған күнінен бастап қолданысқа енгізіледі», – делінген қаулыда.
Қаулы 2024 жылғы 30 желтоқсанда қабылданып, 2025 жылғы 25 ақпанда жарияланған.
