Қазақстан Республикасының Ішкі істер министрлігінің басшысы елорданың атауын өзгертуге қатысты ондаған келіспеушілердің қамауға алынғаны туралы естімепті.
Қазақстанның Ішкі істер министрі Ерлан Тұрғымбаев Астана қаласын Нұр-Сұлтан деп атын өзгертуге келіспейтін ондаған азаматтардың қамауға алынғаны туралы естіген жоқ. «Мен ондай ештеңе естімедім», – деді Тұрғымбаев үкіметтің отырысынан кейін наурыздың 22-сінде Наурыз мерекесінде азаматтарды ұстау туралы сұраққа жауап беріп.
Еске салайық, 21 және 22 наурызда Астана мен Алматыда ондаған ұсталғандар тіркелді. Ұсталғандар арасында журналистер де бар. Сондай-ақ бұқаралық ақпарат құралдарының қызметкерлері қамау орнында жұмыс істеуге кедергі келтіріп жатқандығы, ал қызметкерлерінің ұсталуы полиция тарапынан тәртіп бұзушылықпен жүргізілгені туралы хабарлады. Мәселен, 21 наурызда Астана қаласында полиция қызметкерлері 20-ға жуық азаматты ұстады, олар референдум болмаған кезде елорданы Нұр-Сұлтанға қайта атаумен әкімдіктің ғимаратының алдындағы келіспеушілікті білдірді. Сондай-ақ азаматтарды ұстау Алматыда тіркелді.
«Шекарасыз репортерлер» халықаралық ұйымы журналистерді ұстауға қатысты түсіндірмелер беріп, олар Қазақстан билігінің журналистерге қысым жасамауын талап етті.
ҚазТАГ редакциялық алқасы жұма күні Ішкі істер министрінің кеңесшісі – Ішкі істер министрлігінің ресми өкілі Нұрділда Ораздан түсініктеме беруін сұрады, ол кейінірек қамауға алу туралы түсініктеме беруге уәде беріп, бірақ ол уәдесін орындамады.
Ал «Азаттық» тілшісі Светлана Глушкова әлдекімдердің полицияға жазған-мыс арызына сәйкес ұсталды, деп хабарлады ҚР Ақпарат және әлеуметтік даму министрі Дәурен Абаев. «Азаттық» тілшісі, меніңше, біреудің шағымына сай ұсталған болатын. Маған айтқандай, ол біреуге шабуылдағаны үшін, оған шағым жазылған. Кез келген әрекет заңды бағалауды талап етеді. Ұсталған журналист бар ма? Біз одан шынымен қалай болғанын сұрастыруымыз керек. Сондықтан мен мұнан ешқандай қиындық көрмеймін», – деді Абаев сейсенбіде үкімет дәліздерінде.
Ол азаматтардың қамауға алынуы мен БАҚ-тың Наурыз туралы жұмысына араласуға тырысқаны туралы материалдарды естігенін, бірақ бұл туралы бейнежазба көрмегенін айтты. «Мен материалдар туралы естідім (ұсталғандар туралы – ҚазТАГ). Мұнда барлығы өте қарапайым. Егер сіз біреудің әрекеті заңға қайшы келетін деп ойласаңыз, мен барлық адамдарға айтамын, осы үшін барлық құқықтық құралдарды пайдалануыңыз қажет. Біз кез келген бағытта кез келген көмек көрсетуге дайынбыз. Мұнда ешқандай қиындықтар жоқ … Мен бейнетаспа көрген емеспін, бірақ мен бұл туралы естідім. Әрбір әрекетке баға беру қажет. Бұл мәселеде барлық заңнамалық база бар», – деді министр.
ҚазТАГ
Қаз-қалпында
