«Қайда əлгі – Қазақстанның еңбек сіңірген қайраткерлері, ғылым докторлары, профессорлар, «Парасат», «Құрмет», т.б. толып жатқан орден-медальдың кавалерлері, жайшылықта жүлде үшін жанын жалдап сахнадан түспейтін айтыс ақындары һəм мүшəйра біткенді құр жібермейтін жазба ақындары!
Сендердің ақындық, тіпті докторлық демей-ақ қояйын, азаматтық үндерің қайда?! Неге сексенге келген зейнеткер Айтқожа аға, алпысқа аяқ басқан Жексен жұмыссыз, елге сыймай, Астанаға ауып кеткен Айсұлтан жаманатты бола беруі керек?!
Шешелерің ұл тудым деп, қалжа жеген жоқ па?! Қашанғы əліптің артын бағасыңдар?! Абыройға, атаққа, мемлекеттік сыйлыққа таласқанда – сұмдықсыңдар! Қазыбек бидің, Бұқар жыраудың, т.б. ұлы бабаларымыздың асы десе, юбилейі десе, əкім-қарамен табақтас болу үшін, жүлде алу үшін, халықтың алдында өтірік жақсы атты болу үшін, т.б. абырой, бедел жинау үшін үкідей ұшып жетесіңдер! Ал еліңді тападай тал түсте жау шауып жатқанда, көттеріңді қысып, үйде жатасыңдар!
Неге тым құрығанда əкімшіліктегі жиынға барып, бір ауыз ақырып, теңдік сұрамайсыңдар?! Неге əлеуметтік желі арқылы санасы сансыраған жұртқа бір ауыз ақыл қоспайсыңдар, тым құрығанда көңіл білдіріп, басу айтып…
Осыларыңның қай жері академиктік, профессорлық, докторлық, еңбек сіңіргендік, т.б. қайраткерлік?! Ит те, құс та басынып жатқан елге неге ес болмайсыңдар?!
Ерлан ТӨЛЕУТАЙ
(Erlan Toleutai)
