ҚАҢТАРДАН қалған СҰРАҚ КӨП!

Қаңтар оқиға­сы­нан бері бір ай өтсе де, ел-жұрт нақты жау­а­бын тап­паған мына­дай сұрақтар бар: Бұл қырғын­ды кім ұйым­да­стыр­ды? Бей­біт халы­ққа оқ атуға кім бұй­рық бер­ді? Алма­ты­дағы әкім­шілік ғима­рат­тар­ды өрт­те­у­ге, супер­мар­кет­тер мен дүкен­дер­ді тона­уға, теле­ар­на­лар­ды қира­туға кім ұйтқы болды?Қала шетін­де­гі оңа­ша тұрған әуе­жай­ды кім­дер басып алды? Елу емес, 500 де емес, бақан­дай 20 000 тер­рор қай­дан пай­да бола кет­ті? Олар қаңтар қырғы­нан кей­ін қай­да ғай­ып болып кетті?

Егер де осы­ның бәрін шеру­ге шыққан­дар жасаған бол­са, бір айдың ішін­де бұл сұрақтар­дың біра­зы аны­қта­ла­тын еді ғой. Ресми орган­дар тара­пы­нан адам ила­на­тын­дай бір­де-бір наным­ды жау­ап жоқ. Билік тара­пы­нан айты­лып жатқан уәж­дің бар­лы­ғы – сан­ды­рақ! Аты­ста өлген серік­терін тер­рор­шы­лар­дың өздері мәй­іт­ха­на­дан алып кет­ті деген­ге қан­дай есті адам сенеді? Лаң­кестер үшін өлік­ті сүй­реп қашу қажет пе еді?

Яғни, билік­тің өзі осы сұрақтар­дың шешуін табуға мүд­делі емес. Лаң­кестер аспан­нан түсті ме, әлде жер­ден шықты ма – бел­гісіз! Егер олар сырт­тан кел­се, Қаза­қстан­ның мем­ле­кет­тік қауіп­сізді­гін күзе­тетін шека­ра­шы­лар бар емес пе? Ішкі әске­ри бөлім­дер қай­да? Қаза­қстан­да 125 мың поли­ция қыз­мет­кер­лері бар емес пе еді. Осын­дай ел басы­на қауіп төн­ген сәт­те олар қай­да қал­ды? Қаңтар оқиға­сын­дағы жағ­дай­дан кей­ін өз кең­сесін тастап қашқан Ұлт­тық қауіп­сіздік коми­тетіне қалай сену­ге болады?

Шама­сы, осы­дан кей­ін қазақ елі мен жерінің тұта­сты­ғын қорғай­тын бұры­нғы мем­ле­кет­тік қауіп­сіздік орган­да­рын қай­та­дан жасақтай­тын, толық тазар­тып, рефор­ма­лай­тын уақыт жет­кен шығар. Егер олар елде­гі тәр­тіп­ті қадаға­лап, аран­да­ту­шы­ларға қар­сы тұр­са, қара­пай­ым халы­қтың өздері көмек­те­сер еді ғой. Өкініш­ке қарай, орган­дар түгілі, сол қырғын кезін­де елді сабы­рға шақы­ра­тын­дай, халы­ққа ара­ша түсетін­дей депу­тат­тар­дың да қара­сы көрін­беді. «Халық қала­у­лы­сы» деген аты, мил­ли­онға тақау ала­тын ақы­сы бар, әле­умет­тік-тұр­мыстық жағ­дайы түген­дел­ген пар­ла­мент депу­тат­та­ры үнсіз қалды.

Соңы­нан бұл билік оқиға­ны насы­рға шап­ты­рып алып, ҰҚШҰ-ның әскерін кір­гізді. Аны­ғын айтқан­да, сырт­тан арнайы әскер шақы­ру­дың не кере­гі бар еді? Әрбір жеке тәу­ел­сіз ел өздерінің ішкі ісіне өзге­лер­ді ара­ла­стыр­май-ақ, өзінің қауіп­сіздік про­бле­ма­сын өзі шешпе­уші ме еді?

Төле­ухан БІДІРӘЛІ, Алма­ты қаласы