«Общественная позиция»
(проект «DAT» №21 (292) от 28 мая 2015 г.
Тура билер тұғыры
Ақсәуле Әлжан:
Басты жаңалығымыздан бастайын. Бәрі білетін сияқты, бірақ естімегендеріңіз де бар шығар. «Жетінші арна» жаңалықтары соңғы рет осы жұмада 20.00-де шығады. Содан кейін болды – телеарна өз бағытын ойын-сауық арнасына ауыстырады.
Біздің жаңалықтар жабылады дегенде, қатты таң қалғанымыз да жоқ. Журналистика мүсәпір күйге ұшырап, айтатынын айта алмай, айтса, не болады деп қорқақтайтын заманда, цензура сыртта емес, іште болған заманда – басқаша қалай болсын! Мұнда арна басшыларының түк кінәсі жоқ, жүйе кінәлі. Мамандыққа деген құрметтің жоқтығы кінәлі.
Серік Сапарғали:
Он ай қамаудан шыққаннан кейін полицейлік формадағыларды көрсем, бас салып қылқындырғым келіп тұратын… Солардың талай иттерін көрдім, зоналарда не сұмдық болып жатқанын да естідім.
Жаңаөзенде қару алған 92 полицайдың көбі қазақ болса да, біреуі: «Мен қазақты атпаймын!» – деп автоматты лақтырып тастамаған соң, соларды иттің етінен жек көремін!!!
Жазықсыз, тапқан айлығын сұраған мұнайшыларды қорғаған мен де әлі саяси сотталған болып, қудалау көріп отырмын. Телефон тыңдалған соң, қарапайым инженер болып, МАБ колледжі мен «Арасан» моншасына да орналасуыма жол бермеді.
Ал адам өлтірген қанішер полицайлар бостандықта тайраңдап жүр деп естіп жатырмын. Бірақ олар Алланың сотынан қашып құтыла алмайды!!!
Дәулетқали Асауов:
Орыс шовинизмі, Кремльдің мемлекеттік терроры туралы бірдеңе айта бастасаң, Ресей Педерациясының мүддесін қолдаушылар мен орысқұлдар: «Сендерді АҚШ, Батыс айдап салып отыр» дегендей сыңай танытады. Тіпті осындағы кремльшіл полетаев, князев, т.б. бықи-тықидың уәждері осы. Солай-ақ болсын. Оу, сонда Қазақ ақпарат кеңістігінің 80 пайызы, елдегі қоғамдық-саяси-экономикалық өмірдің дені орыс тілінде бола тұра, олардың байбалам салып, бөрінің к…дей шуылдайтындары несі? Қазақстанға орыстан басқаның ықпалы жүрмесін, орыс идеологиясынан басқаны тыңдамасын дегені ме?
Қазақ үшін Ресей де – АҚШ сияқты жат ел. Бізге ешкімнің ықпалы жүрмегені керек. Бірақ бізге қазір ең қауіпті ел – Ресей. Бүгінге дейін Қазаққа Ресейден көп жауыздық жасаған мемлекет жоқ. Сондықтан Қазақстан Ресейдің отаршылдық ықпалынан арылмай, ақпараттық кеңістігімізді орыстың идеологиясынан тазартпай, біздің шын тәуелсіз елміз деуіміз бекер.
Қуандық Шамахайұлы:
Айлакерліктің ең бір сұрқия түрі – саяси жағымпаздық. Жоғары билікте отырғандарға жағымпазданып өз ұпайын түгендеу. Сондай-ақ сайлау кезінде халықтың даусын жинау үшін немесе саяси қайраткерлерге, белгілі бір топтарға жағу мақсатымен де жағымпаздану бар. Жағымпаздану арқылы қарсы жаққа оңдырмай жала жауып, көздеген тұлғаға шаң жуытпай, ақты қарамен немесе керісінше бояп, жауырды жаба тоқиды. Бұл тұрғыдан келгенде, саяси жағымпаздық – саясат саласындағы тұлғалардың моральдық тұрғыдан барынша азғындағанын, деңгейлерінің тым төмендегенін көрсететін фактор.
Абзал Сақтан:
Қазақ текті халық деп айтудан шаршамаймыз. Бірақ осы елең ете қалса, бірдеңеден қорқып, шошынып қалатыны несі? «Атымның тұяғы тиген жер менікі», – деп, кеудесін керген қазақтан қорыққан қытай «біздің жерімізге атының тұяғы тиіп кетер» – деп қорыққаннан Ұлы қытай қорғанын құрды емес пе? Көршісін үрейде ұстаған қазақтың мықтылығы қайда?
…Бір ағамыз Ресейде бір армян әйелдің үйінде тұрыпты. Әлгі кәрі әйел жалғыз өзі екі қабатты зәулім үйде, көлігін мініп, бай тұратын көрінеді. Шаруалары бітіп, елге ораларда армян әйел шыдамастан жылап отырып қазаққа мұңын шағыпты:
Мені Алла кешірмес. Кеңес үкіметінің бұйрығымен арнайы прививка деген нәрсені ойлап таптық. Мәскеуден қазақтың барлық ауыл-аудандарын аралап, түберкүлөзге қарсы вакцинасын егіп шықтық. Кәрісіне де, жасына да. Ол прививка негізінде бір-екі сағатта адамды өлтіретін у еді, – деп, әлгі әйел еңіреп жылапты… Қазаққа жасаған қастандығы үшін Кеңес үкіметі сол көлігін де, екі қабат зәулім үйін де беріпті. Бірақ әлгі жасаған қастандығы жүрегіне тыныштық бермей, ақыры өзін-өзі қинап, өзіне қол жұмсап өліпті сол әйел.
Қазақтың «мен» деген зиялы азаматтарына да арнайы прививка жасапты олар. Әлгі привиканы еккен МЫҚТЫ жігіттер әп-сәтте бозарып, былжырап салбырап қалатын көрінеді. «Оны да талай атқамінерлерге ектік» деп мойындады.
Қазаққа сонша қастандық қылғанына қарамастан, оларға неге сонша жағымпазданады осы қазақ?
Ерлан Сайыров:
Далада жүрген ол бауырларымызды толықтай көшіріп алатын уақыт жетті. Олар бір мүсәпір, күндерін көре алмай жүрген бейбақ емес. Ұлттық идентификациядан арылып қаламыз ба деп үрейленеді. Сол үшін көшкісі келеді. Ел дейді бізді. Өз көзіммен көргенмін елге сағыныштарын. Қазақстанға олардың көшкені экономикалық тұрғыдан пайдалы. Неге «баяғы жартас, сол жартас?» Түсінбей-ақ қойдым…
(Пікірлер интернеттің әлеуметтік желілерінен алынды)