• Кеше Екібастұздағы жылу-энергия орталығында болған апатқа байланысты қылмыстық іс қозғалды. Қатты аязда жылусыз қалған қаладағы «ТЭЦ»-тің қожайыны – олигарх Александр Клебановты жауапқа тарту мәселесі билік басында сөз болуда.

«ЦАЭК» (Центрально-Азиатская Электроэнергетическая Корпорация) компаниясы (басты құрылтайшысы – Александр Клебанов) «Екібастұз қаласы тұрғындарының барлық шығынын өтеп беруі тиіс» деп, кеше вице-премьер – сауда және интеграция министрі Серік Жұманғарин әлеуметтік желідегі парақшасында мәлімдеме жасады (қаз-қалпында): «Дал поручение работать с прессой в режиме нон-стоп. Скрывать нечего. Ситуация нормализуется. Собственник ЦАЭК возместит все материальные убытки жителей.

Ал апатты қалаға арнайы барған мәжіліс депутаттары тобының өкілі Ерлан Сайыров (жолма-жол): «Александр Клебанов (суретте – сол жақта) и другие олигархи должны возместить ущерб народу и государству. Два дня назад в акимате было собрание, там был Клебанов, мы поставили перед ним этот вопрос. Он нам заявил, что готов продать объект за 1 тенге. Мы сказали: «Нет, так не пойдет. В первую очередь, вы должны выяснить и оплатить разницу между степенью изношенности объекта на момент его принятия вами и текущей степенью изношенности. Во-вторых, разумеется, народ Казахстана сейчас страдает, поэтому хотя бы населению Экибастуза должны заплатить за моральный ущерб», – деп, депутат мәжіліс дәлізінде журналистердің сауалына жауап берді.

Бұл екі арада әлеуметтік желілердің қазақстандық сегментінде олигарх Клебановқа қатысты қылмыстық іс қозғау жөнінде талаптар айтылуда.

«Екібастұзды жылусыз қалдырған Клебанов, – деп жазады Usbanov arnasy телеграмм-каналы. Екібастұзда жүздеген халық қыстың күні қырауда жылусыз қалды. 

Екібастұз «ТЭЦ»-іне қожалық етіп отырған адам – Александр Клебанов деген терең қалталы, дөңшеке, дәу олигарх. Екібастұз «ТЭЦ»-ін «Екібастұзжылуэнерго» ЖШС басқарады. Бұл ЖШС «Павлодарэнерго» АҚ-ның еншілес құрылымы. Ал «Павлодарэнерго» Клебановқа тиесілі «ЦАТЭК» компаниясының құрамына кіреді. 

Биыл Екібастұзда апат екі рет орын алып отыр. Алғашқысы 20 наурызда Петропавл «ТЭЦ»-інде апат болып, үш мұржаның бірі опырылып түскен. Бір қызметкер оқиға орнында қаза тапқан. Қылмыстық іс қозғалған. Апат себептерінің бірі – Клебанов қызметкерлерінің жауапсыздығы деп үкім айтылған. 

Клебанов – Қазақстанның ең бай 50 адамының бірі. 2022 жылдың көктеміндегі есеп бойынша, Клебановтың байлығы 580 млн доллларға бағаланған. Теңгеге шақсақ – 270 млрд теңге. Клебанов экс-президент Назарбаев отбасымен өте-мөте жақын қарым-қатынастағы адам. Ал Екібастұз халқы 30 градустық аязда жылусыз қалды», – деп хабарлайды телеграмм-канал.

ДАТ-ақпарат

 

«БАЙТАҚ» ПАРТИЯ БОЛДЫ.

Тіркеуді күткен басқалары не болады?

• Қазақстанда «Байтақ» деп аталатын жаңа саяси партия тіркелді. Бұл – кейінгі он шақты жылда елде тіркелген алғашқы саяси партия және Қазақстандағы бірінші жасылдар партиясы.

Партия құрушылар «экологтарды біріктіріп, экология мәселелерін көтеріп, қоршаған ортаны қорғап, кәсіпорындарды жаңалау, еңбек қауіпсіздігін арттыруды көздейді». Партия лидері – Ақорданың жобаларына қатысып жүрген экобелсенді Азамат Әміртай. Ол биыл президент Тоқаев жанындағы Ұлттық құрылтайға мүше болған. Оған дейін президент жанындағы Сенім кеңесінің және «ҚазАгро» ұлттық холдингінің директорлар кеңесінің мүшесі болған. Бұған қоса, Әміртай биылғы кезектен тыс президент сайлауында Тоқаевты қолдаған.

Әділет министрлігі биыл 18 партиядан тіркеуге құжат түскенін хабарлады. Қазір оппозициялық саясаткер Жасарал Қуанышәлин бастаған бастамашыл топ «Алға, Қазақстан» партиясын тіркей алмай жүр. Әділет министрлігі бұл топтың құжатын «заңға сай емес деп» бірнеше рет қайтарып тастаған. Сондай-ақ оппозициялық саясаткер Жанболат Мамай «Демократиялық партияны» тіркей алмаған. Оппозиция Қазақстан билігі өзіне қолайлы партияны ғана тіркейді деп санайды.

Тоқаев саяси партиялар туралы заңды өзгертуді, партия құруға қажетті бастамашыл топ санын мыңнан жеті жүзге түсіруді, тіркеуге қажетті қолды 20 мыңнан 5 мыңға азайтуды ұсынған. Қазір бұл заң жобасы парламентте қаралуда.

Сарапшылар билік қолында партияны тіркемеудің көптеген тетіктері бар екенін айтады. Қазір Қазақстанда ресми түрде бес партия – биліктегі «Аманат», билікке жақын «Ақ жол», «Ауыл», «Қазақстанның халық партиясы» (бұрынғы Коммунистік партия) және өздерін оппозиция санайтын ЖСДП – тіркелген.

Azattyq.org

 

Тұжырымдама бекітілді – ЕНДІ КӨШІ-ҚОН ОҢА МА?

Қазақстанда көші-қон саясатының жаңа тұжырымдамасы бекітілді. «Тұжырымдамада «бір терезе» қағидаты бойынша мигранттардың қозғалысын есепке алудың бірыңғай ақпараттық жүйесін құру көзделген. Ол мигранттарды цифрлық сәйкестендіруге, қажет болған жағдайда олардың жүріп-тұруын бақылауға мүмкіндік береді», – деді премьер-министр Әлихан Смайылов сейсенбі күні.

«Бұл санаттағы кадрларға он жылдық «Ғылыми-педагогикалық виза» берудің оңайлатылған тәртібін енгізу көзделіп отыр. Соның негізінде оларға Қазақстанда тұрақты тұру үшін ықтиярхат алу, одан кейін азаматтық алу мүмкіндіктері қарастырылады. Дәл осындай мүмкіндікті тапшы мамандықтар бойынша оқитын шетелдік студенттер қатарынан магистранттар мен бакалаврларға да беру қарастырылған», – деді Тамара Дүйсенова.

«Ашық Қазақстан 500+» атты көші-қон саясатының жаңа тұжырымдамасының бірінші бағыты – Қазақстанды өңірлікбілім беру хабына айналдыруды көздейтін білім беру иммиграциясы. Бұл бағыттағы жұмыс жоғары оқу орындарының профессор-оқытушылар құрамын күшейтуге және білім беру сапасын арттыруға арналған. Ол үшін 100 үздік оқытушы мен сұранысқа ие технологиялар бойынша ғалымдарды Қазақстанға тарту ұсынылады», – деп мәлімдеді Т. Дүйсенова.

ҚазТАГ