БҰЛ – БОЛАШАҚТА ҚЫЗМЕТ ЕТЕТІН сапалы білімнің тағдыры

Қаза­қстан Респуб­ли­ка­сы­ның пре­зи­ден­ті Қ.-Ж.ТОҚАЕВҚА

Қаза­қстан Рес­пуб­ли­ка­сы­ның пре­мьер-мини­стрі О.БЕКТЕНОВКЕ

Қаза­қстан Рес­пуб­ли­ка­сы пар­ла­мен­ті мәжілісінің төраға­сы Е.ҚОШАНОВҚА

Қаза­қстан Рес­пуб­ли­ка­сы пар­ла­мен­ті мәжілісінің депутаттары

А.АЙМАҒАМБЕТОВКЕ, Е.БАПИҒА, Ж.СҮЛЕЙМЕНОВАҒА, Н.СӘРСЕНҒАЛИЕВКЕ, М.ТОЛЫҚБАЙҒА

Құр­мет­ті Қасым-Жомарт Кемелұлы!

Соңғы жыл­да­ры елі­міз­де білім беру сапа­сын арт­ты­ру бағы­тын­да рефор­ма­лар – жаңа кезеңнің бет­бұры­сы бол­ды. Әсіре­се педа­гог мәр­те­бесін көте­ру, білім мен ғылы­мға нақты қол­дау көр­се­ту, жастар­дың әле­уетін ашуға жағ­дай жасау – ел ертеңіне салы­нған аса маңы­зды инве­сти­ция деп қабылдаймыз.

Осы тұста ел ішін­де білім сала­сын­да ерін­бей еңбек етіп, нақты нәти­же­сі­мен көз­ге түсіп жүр­ген аза­мат Аят­жан Ахмет­жанұлы­ның еңбе­гі еске­русіз қалып, тіп­ті түр­лі тосқа­уыл­дарға тап болуы – қоғам тара­пы­нан алаң­да­у­шы­лық туды­рып отыр.

 Атап айтқан­да, соңғы жыл­да­ры елі­міздің әр аймағын­да білім беру кеңісті­гін­де ерекше бел­сен­ділік таны­тып келе жатқан «QAZBILIM GROUP» меке­месіне қаты­сты орын алып жатқан жағ­дай­лар бізді бей­жай қал­дыр­май­ды. Бұл меке­ме – он жыл­дан астам уақыт­тан бері мек­теп оқу­шы­ла­ры­на қосым­ша сапа­лы білім беріп, ҰБТ, пән­дік олим­пи­а­да­лар, халы­қа­ра­лық емти­хандар бағы­тын­да үлкен жетістік­тер­ге жет­кен, жеке­мен­шік мек­теп­тер желісін қалып­та­сты­рып келе жатқан біре­гей білім ұжымы.

 Осы уақыт ішінде:

• 13 000 оқу­шы ҰБТ сынағы­нан жоға­ры балл жинап, ЖОО гран­тын иеленді;
• Көп­те­ген ұста­здар­ды жұмыспен қамтыды;
• Оқу­шы­ла­ры шетел­дік бедел­ді уни­вер­си­тет­тер­дің гран­ты­на ие болды;
• Бұл оқу орны­ның ұста­зда­ры 240-тан астам қазақ тіл­ді оқу-әдісте­мелік құрал дай­ын­дап, олар бүгін­де бүкіл ұста­здар­дың, талап­кер­лер­дің көмек­шісіне айналды.

Біз ком­па­ни­я­ның негізін қалаған Аят­жан Ахмет­жанұлын – білім сала­сын­да көп жыл­дан бері еңбек етіп келе жатқан бел­гілі маман, өз сала­сы­ның кәсі­би сарап­шы­сы, елдің бола­шағы­на алаң­дай­тын қоғам қай­рат­кері ретін­де танимыз.

Алай­да 2023 жыл­дың екін­ші жар­ты­сы­нан бері осы меке­ме­ге қаты­сты түр­лі дең­гей­де­гі негіз­сіз тек­се­ру­лер, қысым сипа­тын­дағы әре­кет­тер, шеші­мі түсініксіз қаулы­лар жиілей түс­кен. Әле­умет­тік желі­де­гі негіз­сіз ақпа­рат­тық шабуыл­дар мен қысым­ды да көзі­міз­бен көріп отырмыз.

Мек­теп тала­пқа сай ашы­лға­ны­мен, лицен­зия мәсе­лесін­де кедер­гілер кел­тіріліп, жан басы­на қар­жы­лан­ды­руға бөлін­ген ақша уақы­тын­да төлен­бей, кешік­тіріліп берілуінің сал­да­ры­нан ком­па­ния өз қыз­мет­кер­лерінің жалақы­сын уақты­лы бере алмай отыр.

Негіз­сіз тек­се­ру­лер­дің нәти­же­сін­де үш жыл­дан бері сапа­лы білім беріп келе жатқан лицей­лер­дің жабы­ла баста­уы – жоба авто­ры Аят­жан Ахмет­жанұлы­ның ғана емес, тұтас осы сала­да қыз­мет етіп жүр­ген адал аза­мат­тар мен ата-ана­лар­дың, ұста­здар­дың алаң­да­у­шы­лы­ғын туды­рып отыр. Одан да ауы­ры – қан­ша­ма бала­ның үкіле­ген үміті жел­ге ұшты.

 Бұл әре­кет­тер меке­менің қалып­ты жұмыс істе­уіне айтар­лы­қтай кедер­гі кел­тіру­де. Заң аясын­да өз қыз­метін адал әрі ашық жүр­гізіп келе жатқан ұйы­мға мұн­дай тосқа­уыл­дар кері әсер етіп келеді.

 Біз бұл мәсе­лені тек бір меке­менің ғана емес, жал­пы елде­гі жеке баста­ма­лар мен сапа­лы білім беруді дамы­тқы­сы келетін аза­мат­тар­дың тағ­ды­ры деп қабыл­дай­мыз. Мұн­дай баста­ма­лар мем­ле­кет тара­пы­нан қол­дау тауып, қорға­луы керек деп санаймыз.

Құр­мет­ті Қасым-Жомарт Кемелұлы!

Сіз­ден осы жағ­дай­ға назар ауда­рып, «QAZBILIM GROUP» және оның құра­мын­дағы мек­теп­тер­дің қыз­метіне қаты­сты туын­дап оты­рған негіз­сіз тосқа­уыл­дар­ды жеке бақы­ла­у­ы­ңы­зға алып, әділет­ті шешім шыға­руға ықпал етуіңізді сұрай­мыз. Бұл тек бір меке­менің ғана тағ­ды­ры емес – ел бола­шағы­на қыз­мет ететін сапа­лы білім­нің тағ­ды­ры деп білеміз!

Құр­мет­пен:

Ел бола­шағы­на бей­жай қара­май­тын Қаза­қстан азаматтары:

Мей­ір­жан Темір­бек, ШҚО, Тар­баға­тай ауда­ны, мұғалім

Айман Сағи­дул­ла, Алма­ты облы­сы, Қара­сай ауда­ны, мұғалім

Мей­рам­гүл Барқа­за­тқы­зы, Алма­ты қаласы

***

Құр­мет­ті қоғам бел­сен­ділері! Ұста­здар! Ата-аналар!

Қол қою жалғасуда.

«QAZBILIM» Ұлт­тық лицей­лерін сақтап қалу мақ­са­тын­да, Аят­жан Ахмет­жанға және мек­теп ұста­зда­ры­на, оқу­шы­ла­ры­на қол­дау көр­се­ту мақ­са­тын­да жари­я­ланған бұл хатқа қол қой­ғы­ңыз кел­се, осы хат­тың асты­на, пікір­ге толық аты-жөніңізді, облы­сы­ңы­зды, ауда­ны­ңы­зды және «Қол қоя­мын» сөзін жазып қал­ды­ры­ңыз. Сіл­те­ме­ге өтсеңіз, қол қоя ала­сыз. https://www.facebook.com/share/p/1CgPLRGgXx/