«Ескі Қазақстанның» БЕЙКҮНӘ ҚҰРБАНЫ

Мем­ле­кет­шіл­ді­гіне, халы­қ­шыл­ды­ғы­на тірісін­де көзім жет­кен Ержан Бабақұ­ма­ро­втың сүй­е­гін туған жерінің топы­рағы­на тап­сы­руға Тал­ды­қорғанға шыға­рып сал­дық. «Көзім жет­ті» деген­де, Қаңтар оқиға­сы кезін­де қала­ның басқа бас­шы­ла­ры сияқты «КНБ» мен «МВД»-шылармен бірі­гіп, Алма­ты­ны тастап қашпаға­нын білем. Кей­ін­нен Ержан­ды Кәрім Маси­мо­втың ада­мы деп, шетқақ­пай қылған­дар бол­ды. Бірақ Маси­мо­втың ада­мы бол­са, басқа­лар­мен бір­ге қашып кетуі керек еді ғой?

Тағы бір білетінім – Қаңтар­дан кей­ін Ержан­ның жетек­шілі­гі­мен түсіріл­ген «Қаңтар шын­ды­ғы» деп ата­ла­тын құжат­ты киноға экс­перт­тік пікір айтқа­ным бар. «Аға, бар білетін шын­ды­ғы­ңы­зды айты­ңыз­шы?» деді. Айт­тым. Бірақ сол фильм қай­да және қалай жоға­лып кет­ті? Маси­мов­шыл бол­са, шын­дық іздеп, Қаңтар тура­лы кино түсіріп несі бар еді?

Марқұм­ның қаза­сы­на қаты­сты қан­дай қитұрқы­лық барын қай­дам (тер­геу аны­қтай­ды дегім келеді), бірақ мем­ле­кет­ке 30 жылға жуық қыз­мет қылған аза­мат­тың Аста­на­дағы «жетім» жана­за­сы­нан кей­ін көңіл­де осын­дай көп ой қал­ды. Өзі өкілі болған өкі­мет марқұм­ды жер­леу комис­си­я­сын неге құр­ма­ды? Ержан­ның артын­да аңы­рап қалған ана­сы­на, алты бала­сы жетім қалған жесіріне Аста­на­дағы қап­таған мем­ле­кет­тік аппа­рат­тан ресми рет­пен бір пен­денің көңіл айтып кел­ме­гені қалай? Мем­ле­кет­тік қыз­мет­шілік­тің зер­десі Ержанға кел­ген­де неге ұмыт қал­ды? Осы­ның бәрі «құпия қаза­ның» қыр­сы­ғы­нан туған қыса­стық па?

Біл­мей­мін! Сезетінім – Ержан «Ескі Қаза­қстан» үшін қор боп кет­ті… Елде­гі мықты мем­ле­кет­шіл идео­лог­тар­дың бірі еді. Өз көзім­мен көр­генім – Қаңтар оқиға­сы кезін­де Алма­ты қала­сы бас­шы­лы­ғы­нан қоғам­мен бай­ла­ны­сқа шыққан жалғыз лау­а­зым­гер бол­ды. Біз Бал­таш аға, Рыс­бек аға, Эль­мар Хусай­ы­нов төр­те­уі­міз дүр­лік­кен алаң­да жүр­ген­де, Ержан­ды келіс­сөз­ге шақыр­дық. Себебі қала әкі­мі Сағын­та­ев­тың Бал­таш аға­да бар теле­фон номері өшіп жат­ты. Біз бәрі­міз алаң­нан алыс емес жер­де­гі Еркін Рақы­шев­тың үйін­де Сағын­та­ев­тың орын­ба­са­ры Бабақұ­ма­ро­втан жау­ап күтіп отыр­дық. Бірақ ара­да бірер сағат өткен­де, Ержан маған звон­дап: «Келіс­сөз­ге шығуға Аста­на келіс­пей жатыр…» деп, өкініш білдірген-ді…

Жақ­сы аза­мат еді… Амал нешік?..

Алды­нан жарылқасын!

Ермұрат БАПИ