«Общественная позиция»
(проект «DAT» №04 (275) от 29 января 2015 г.
Ойдан-қырдан
Әттең деші!..
Ән өнерінде өзінің нәзік үнімен, ақ үміт – «Аппақ гүлімен» халық жүрегінен мықтап орын алған белгілі әнші Ақбота Керімбекова алда-жалда қолына билік тиер болса, өнерді дарынсыздардан тазартқысы келетіндігін айтады.
Тұтас өмірінің жиырма жылға жуық уақытын шығармашылыққа арнаған Ақбота Керімбекованың бұлай айтуына бүгінгі шоу-бизнестің біржола бұзылған шырқы себеп болғанға ұқсайды. Бұл туралы әнші: «Қарыныңды ашыратын дүниелер өте көп. Халық – қашанда айна. Сапасыз әндер көбейіп кетті. Өнерді шынайы дарынына қарап емес, үлде мен бүлдесіне қарап бағалайтын хәлге жеттік», – деген болатын.
Бір айта кетерлігі, Ақбота Керімбекова биылғы жылы осымен үшінші рет Республика сарайында жеке ән кешін өткізген еді. Енді өзге қалалар мен аудандарға барып, өз тыңдарманының құлақ құрышын тағы бір мәрте қандырып қайтуды ойлап жүрген көрінеді.
Осындайда ақын Мұхтар Шахановтың «Барселона әуежайындағы сұңқарлар» деген өлеңі еске түсетіні бар. Сол аңыз-дастандағы ақылман қарияның ақылымен бес сұңқар арқылы ұсақ-ұсақ, қалың құс қаптаған қара аспанның «қасіретін» айықтыратыны жадымызда.
Бәлкім, Ақботаның жанайқайына құлақ асқанымызда: бізге де осындай «бес сұңқармен» шымшық пен шілге толы өнер аспанын айнадай етіп, тазалап алу керек пе еді деп ойға қаласың?!
