Үй шаруашылықтарын зерттеу деректері бойынша, Қазақстан Республикасындағы табысы күнкөрістің ең төменгі деңгейінің шамасынан төмен халықтың үлесі 2014 жылдың ІІІ тоқсанында 2,9% (494,0 мың адам) құрады, делінген ҚР Ұлттық экономика министрлігінің статистика комитетінің таратқан хабарында.
Ескертеміз – бұл Ақорда басшылығымен келісілген ресми дерек. Ал анығында елдегі халықтың 5 пайызы (ресми дерек бойынша) жұмыссыз деп есептесек, бұл көрсеткіш кемінде 1 миллионға жетіп жығылуы тиіс. Табысы күнкөрістің ең төменгі деңгейінің мөлшерінен төмен ауылдық жердегі халықтың үлесі табысы күнкөрістің ең төменгі деңгейінің шамасынан төмен қалалық жердегі халықтың үлесінен 3 есеге жуық артып, 4,6 пайыз (360,0 мың адам) болды дейді ресми сататистика комитеті. Бұл – елдегі кедейшілік жағдайдың мөлшерін анықтауға болатын көрсеткіш.
2014 жылдың ІІІ тоқсанында табысы күнкөрістің ең төменгі деңгейінің мөлшерінен төмен халықтың басым үлесі Оңтүстік Қазақстан (6,9%), Қызылорда (3,6%) облыстарында тұрады, ең аз үлесі Астана (0,3%) және Алматы (0,8%) қалаларында байқалады.
Сырым ДАТОВ
