«Общественная позиция»
(проект «DAT» №45 (362) от 08 декабря 2016 г.
Апта аптығы
Талдықорған Астанадан да озып, Алматымен қатар Қазақстандағы азық-түліктері ең қымбат қалалар рейтингісінде көш бастағанын ҚазТАГ агенттігінің бағаларға жасаған мониторингі көрсетіп отыр.
Мысалы, тілшілердің мәліметтерінше, Алматыда қарақұмық бағасы ең қымбат, 1 кг – Т550, күріш – Т370, картоп – Т120, пияз – Т100, сиыр және қой еті – Т1800, қант – Т325.
Талдықорғанда ұн бағасы ең жоғары: 1 кг – Т468, пияз – Т100, құс еті – Т1738, 1 л сүт – Т273.
Күнбағыс майы ең қымбаты Астанада (Т593 – 1 л), ал ең арзаны Семейде (Т361).
Сиыр етінің ең арзаны Қостанайда (Т1067 – 1 кг), қой еті – Қарағандыда (Т916), құс еті – Атырауда (Т615).
Жұмыртқа бағасы он данасына Петропавлда Т238-ден Талдықорғандағы Т375 аралығында. Макарон бағасы осы айда ең қымбаты Атырауда – Т185, 450-граммдық орама үшін, ал ең арзаны Қызылордада – Т120.
Бұл екі арада Шығыс Қазақстан облысында нан өнімдерінің бағасы Т5–Т10 қымбаттады, олардың бағасы осымен жыл басынан бері екінші рет көтеріліп отыр, деп хабарлады агентттік тілшісі.
«Осы аптада ұнның бағасы 1–2 теңгеге емес, бірден килограмы 10 теңгеге қымбаттады. Әлбетте, бұл нанның бағасына да әсер етті», – деді бағаны ұнның құнының қымбаттауымен түсіндірген дереккөзі.
Тілші түсіндіргендей, нанның бағасы осымен бір жылда екінші рет көтеріліп отыр. Сонымен қазір нанның бағасы Т80–85. Дүкендегі сатушылар мұны ұнның бағасы көтеріліп кеткен деп түсіндіруде.
Бұдан бөлек биыл ШҚО астықтан жақсы өнім жинады – бір миллионнан астам тонна, былтырғы көрсеткіштен бір жарым есе жоғары. Шикізаттың мол болуына қарамастан, ұн бәрібір қымбаттап тұр.
ҚазТАГ
