«Общественная позиция»
(проект «DAT» №9 (326) от 3 марта 2016 г.
Апта аптығы
Әдірам қалған ауылды
ОН АЙДА ОҢАЛТАМЫЗ
Әр елді мекендегі өмір сапасын Қазақстан тәуелсіз дігінің 25 жылдығына дейін жақсарту керек деп санайды Қазақстан президенті Нұрсұлтан Назарбаев, деп хабарлады ҚазТАГ тілшісі.
«Әр елді мекен барынша таза өмір сүруге, жұмыс жасау мен демалуға мейлінше қолай лы болуы керек. Міне, осы 25 жылдыққа арналған мереке. Үлкен қалалардағы басты кө ше лерді тазартқанның орнына», – деді Н.Назарбаев сей сен бі күні Алғыс айту күніне арналған салтанатты шара барысында.
«Барлық қалалар мен елді мекендерде қазір көктем болса да тазалау, көгалдандыру, балалар үйлеріне, қарттарға, мұқтаж жандарға көмек көр сету жұмыстары жүргізілуі керек», – деп толықтырды ол. Мем лекет басшысы еске сал ғандай, тәуелсіздіктің 20 жыл дығына орай «Ауылдың гүл денуі – Қазақстанның гүлденуі» жобасы жүзеге асырылған еді.
«Биыл да бүкіл ел бойынша осындай патриоттық акция өткізу керек. Ел тұрғындарының жартысына жуығы ауылдық жерде тұрады, сол жерде ең бектенеді. Біздің барлық табы сымыздың қозғалтқышы болатын ауылдық жерлерді дамы туға барлық мүмкіндік бар. Бұл «Нұр Отан» партиясының бар лық мүшелеріне берілген тіке лей тапсырма деп саналсын», – деді ол.
Ауылдық жерлерді абаттандыру жөнінде президенттің пәр мен беруі – оңды бастама. Бірақ 25 жыл бойы әдірам қалған ауылды желтоқсан айына дейінгі қалған он айда жайнатып жіберу қиялшыл қазақ тың да қисынына сыймайтын арман болса керек.
«D»
ЕҢ ТӨМЕНГІ КҮНКӨРІС
деңгейіміз бұған дейін қанша еді?
Қазақстанда 2016 жылғы І тоқсанға арналған кедейлік шегі ең төменгі күнкөріс деңгейінің 40 пайызы мөлшерінде сақталды. ҚР Денсаулық сақтау және әлеуметтік даму министрлігінің тиісті бұйрығы ресми БАҚ-та жарияланды, деп хабарлайды ҚазТАГ.
«Мемлекеттік атаулы әлеуметтік көмек туралы» 2001 жылғы 17 шілдедегі Қазақстан Республикасы Заңының 2-бабы 1-1-тармағына сәйкес бұйырамын: Қазақстан Республикасы бойынша 2016 жылғы І тоқсанға арналған кедейлік шегі Қазақстан Республикасы Ұлттық экономика министрлігі өткен тоқсанға есептеген ең төменгі күнкөріс деңгейінің 40 пайызы мөлшерінде айқындалсын», – делінген құжат мәтінінде.
Бұл жұмбақты кім шешеді? «Өткен тоқсанға есептеген ең төменгі күнкөріс деңгейіміз» қанша еді? Ол мөлшердің «40 пайызы мөлшерінде айқындалса», күнкөрісіміздің көлемі қанша болғаны?
Әрине, біз бұл жұмбақ мөлшерлерді интернет иірімін иіскелеп жүріп, қажетті ақпарды анықтап алар едік. Бірақ өйтпедік. Себебі ҚР Ден саулық сақтау және әлеуметтік даму ми нистрлігі осындай жұмбақ ақпар тарату арқылы ел-жұрттың басын қатырып жатқанын айту – бізге әлдеқайда маңыздырақ болды. Ал кімде-кім күнкөрісінің ендігі күйін (бұл бұйрық 2016 жылғы 1 қаңтардан бастап қолданысқа енгізіледі және ресми жариялануға тиіс) білгісі келіп, «қытайский калькулятормен» ерінбей есептесе, екі-үш күнде «40 пайыздық» тиын-тебенін тауып алуы тиіс.
Сауыр САЙҚАН
Бұл екі арада
Миллиардерлер
КЕДЕЙЛЕНІП ҚАЛДЫ
2016 жылы Forbes нұсқасы бойынша әлемдегі ең бай адамдардың тізіміне сәйкес қазақстандық миллиардерлер $1,5 млрд-ға кедей бола түсті. Президент істерінің бұрынғы басқарушысы Болат Өтемұратовтың байлығы $300 млн-ға төмендеп, 2016 жылы $2,3 млрд құраған. Қазақстандық миллиардерлер арасында ол бірінші орында, ал жалпы тізімде – 771-орында.
Одан кейін Тимур және Динара Құлыбаевтар тұр. Олар дың әрқайсысының байлығы $100 млн төмендеп, $2 млрд құраған. Жалпы рейтингте олар 906-жолда.
«Қазақмыс» корпо рация сының директорлар кеңесінің бұрынғы төрағасы Владимир Ким $300 млн жоғалтқан. Оның байлығы 2016 жылы $1,5 млрд деп бағаланып отыр, жалпы рейтингте ол 1198-орында.
1198-орында сондай-ақ «Еуразиялық банк» АҚ-ның президенті Алиджан Ибрагимов бар. Оның капиталы – $1,5 млрд, алайда 2016 жылы ол $700 млн кедейлене түскен.
Forbes тізіміне енген қа зақ стандық миллиардерлердің жалпы байлығы 2015 жылы $10,8 млрд, ал 2016 жылы – $9,3 млрд құраған.
ҚазТА
Құй күл, құй жыла!
ЖЕЛІДЕГІ ЖАРЫЛҚАУ
Дәурен Бабамұратов:
«Тойотодан» несиеге көлік алам деп жүрсем, мына жарнамасы ана тілімді қор қылып, төл заңымды жер қылды. «Теңгеде ойлаңыз» дегеніне «демалыңыз» дегім кеп тұр.
Аружан Саин: :
Сколько, сколько шагов???:-))).
Редакциядан: Әлеуметтік желідегі Аружан Саинның осы постын көргенде барып, «100» санының екі нөлі шексіздік () белгісімен жасалғаны еске түсті. Яғни, бұл 100 қадамның шексіз болар белгісі. Сонда бұл ресми бекітілген лейблге шексіздік белгісі ел-жұртқа ескерту үшін суретшінің қулығымен жасалды ма, жоқ әлде «осылай жаса» деген тапсырыс беруші һәм реформа жүргізуші биліктің нұсқауы ма?
(Суреттер «Фейсбук» желісінен алынды)
Енді қазақ тілінің ақшасына
АССАМБЛЕЯ ИЕ БОЛАДЫ
ҚР президенті Нұрсұлтан Назарбаев Қазақстан халқы ассамблеясы арқылы тілдерді үйренуге барынша мол қаржы бөлу керек деп санайды, деп хабарлады ҚазТАГ тілшісі.
«Қазақ тілін үйрену, арнайы қор құрылды, мемлекет қаржы бөліп жатыр. Және оларды жалпы Қазақстан халқы ассамблеясы арқылы көбірек бөліп, қазақ тілін білмейтіндерді оқыту керек. Ал бізде қаржыны қазақ тілін білу керек жерлерге ғана жұмсайды. Сондықтан бізде қазақ тілінде қарапайым сөйлесу үшін барлық мүмкіндік бар», – деді Н.Назарбаев сей сенбі күні Алғыс айту күніне арналған салтанатты шара барысында.
Ол Тіл туралы заңды бұзуға жол берілмейтінін атап өтті. «Маған жақында айтуыма тура келді, себебі ондай бұзушы лықтар болды. Десек те, біз үш тілді боламыз деп айттық, ол біреудің еркелігі емес. Ол – өмір талабы. Барлығымыз тұ рып жатқан елдің мемле кеттік тілін бәріміз білуіміз керек. Дұрыс па? Сондықтан біз мектеп партасынан бастап сол тілді оқытамыз. Міне, солардан бұл тілдерді білуін талап ете міз», – деп түсіндірді президент.
ҚазТАГ
Масқара!
Өз халқымызды
улауға
ЖЕР БӨЛІП БЕРЕМІЗ
Қазақстан ресейлік зымыран бөлшектері құлайтын аумақ ретінде Қостанай облысынан 100 мың гектар жер бөлмек. Мамандар оған ерекше қорғалатын табиғи аумақ та кіріп кетуі мүмкін екенін айтады.
Ақпанның 25-і күні интернетте Қостанай облыстық әкім шілігінің Жангелдин ауданынан ресейлік зымыранның бөлшек тері құлауы тиіс жер бөлуді жос парлап отырғаны туралы ха тының көшірмесі пайда болды.
Облыстық табиғи ресурстар және табиғат пайдалануды реттеу басқармасы атынан жазыл ған құжатта: «Қостанай облысы әкімдігінің жер қатынастары басқармасының 2016 жылғы 22 ақпандағы №2-09/225 хатына сәйкес Жангелдин ауданы ау мағында «Союз-2» зымыран та сығышының бөлінетін бөлшек терінің құлайтын жаңа ауданы ның ашылуы жоспарлануда. Осы ған байланысты 29 ақпанға дейін өз қорытындыңызды ұсы нылған материалдарға сәйкес беруіңізді сұраймыз» деп жа зыл ған.
«Азаттық» тілшісі Қостанай дағы жергілікті билік орындарына хабарласып, бұл деректің жай-жапсарын сұрады. Хатта айтылған Жангелдин ауданы әкімдігі ондағы Ақкөл селолық округі маңынан шамамен 100 мың гектар жерді ресейлік зымыран қалдықтары құлайтын ау мақ ретінде қарастырып жат қанын растады.
– Олардың айтып отырған жерлері – сортаң жерлер. Ша бындық та емес, жайылымдық та емес, негізінен сортаң жерлер. Ол жерлерге шаруа қожалықтары жақын орналасқан. Шамамен 5-6 шақырым жерде тұрған шаруа қожалығын басқа жаққа көшіруі мүмкін, – деді Жангелдин аудандық Жер қатынастары бө лімінің басшысы Төленді Ғани матұлы «Азаттық» тілшісіне.
Жергілікті билік өкілдері де ре гінше, Ресей зымыран тасы ғышының бөлшектері құлауы үшін жаңадан бөлінбек 100 мың гектар жердің 20-30 пайызы «Алтын дала» мемлекеттік табиғи резерваты аумағында жатыр. 2012 жылы Орталық Қазақстан ның далалық және шөлді эко жүйе лерінің бірегей биоалуан дылығын сақтау мақсатында құ рылған бұл резерватқа Қостанай облысы Жангелдин және Аман гелді ау дандарының 500 мың гектар жері кіреді. Резерват ау мағына киіктің негізгі мекен дейтін, қоныс аударатын және төлдейтін жерлері енген.
Қостанай облысы Жангелдин аудандық Жер қатынастары бө лі мінің басшысы Төленді Ғани матұлының сөзінше, ол ауданда бұған дейін де ресейлік зымыран тасығыш бөлшектерінің құлау ына арналған аумақ бөлінген. Ол жер аудан орталығы Торғайдан оңтүстікке қарай 80 километрдей тұстағы Ақшығанақ елді мекені маңында.
– Екі жыл бұрын берілген. Көлемі – 40 мың гектар. Жартысы – Ақтөбе облысында, жартысы – бізде, Қостанай облысында. Енді жайылымдық жерлері де бар ғой, бірақ негізінен сортаң жерлер, – дейді Төленді Ғанимат ұлы. Оның сөзінше, Ресей тарабы бұл жер үшін жылына 350 мың АҚШ долларын төлейді, ол ақша жергілікті бюджетке түседі.
Azattyq.org