Құттықтаймыз!
Гитараның тәтті әуезімен тыңдарман халықтың талғамынан шыға білген Баян Нұрмышева мен танымал эстрада жұлдызы Ерлан Орынбасаров отбасын құрды. Бұл туралы Баян өзінің «Іnstagram» парақшасында жазды. «Ерлан Орынбасаров екеуміз осындай өмірге қадам бастық….» деп жазған әнші неке жүзігін таққан суретін жариялады.
Ең қызығы – соңғы кездері екеуінің үнемі бірге жүретінін байқап, түрлі пікір жазған көрермендерге қос ғашық: «Арамызда ешқандай сезім жоқ, тек әріптеспіз» деп мойындамай келген болатын.
Сондықтан Баян Нұрмышева «Аллахымның «әр қиындықтың артында жақсылығы бар» дегені осы болар. Бүгінге дейін сіздердің ойларыңызға жаман ой тастаған болсақ, бірінші Аллахтан, сосын сіздерден кешірім сұраймыз» деп, ақ некелері жайлы ақтарылумен қатар, халықтан кешірім де сұрап үлгерген.
Осы ретте сырлы да, сезімге толы тамаша әндерімен тыңдарманын қуантып жүрген, «халықтан тығылып табысқан» Ерлан мен Баянның түйіскен тағдыры, тоғысқан жүрегі мәңгі алдамасын деп тілейміз!
Бетті дайындаған – Төлеу ТҰРМАН
