Мөлдір сұлудың сахнада ән айтып жүргеніне де он жыл толыпты. Алайда осы дөңгелек датаға байланысты әнші шығармашылық есеп беруі – биылғы жоспарында жоқ екен. Себебі…
Себебін әнші былай түсіндірді: «Биыл жеке өмірімдегі өзгерістерге байланысты халыққа есеп беру мақсатындағы жеке концертімді кейінге қалдыруға тура келді. «Қыз мұраты – кету» деп қазақ бекер айтпаған ғой. Аяулы жар, ибалы келін, ардақты ана атану – әрбір қыз баланың парызы, міндеті деп санаймын. Қазақтың салты көп қой. Сол үшін шығармашылықтағы біраз жұмыстарымды кейінге шегеріп отырмын. Осы жылдың желтоқсан айында тұрмысқа шығамын».
Иә, бұл мөлдіреген Мөлдірден жаңа шығармашылық жаңалық күтіп жүрген жұртшылығы үшін тосын хабар болды. Тәнті жұрты талантты әнші «КешYOU» тобынан бөлек шығып, енді жеке шығармашылығымен айналысады деп жүргенде, жағдай «былай боп…» қалған сияқты.
Дегенмен, «қыз мұраты – кету» дегендей, бой жетіп қалған әншінің «жеке бас» мәселесін ойлағаны да жөн шығар. Мөлдіржан мұратына жетіп алса, шығармашылық концерт беру қайда қашар дейсіз, тәйірі!
Топтаманы дайындаған – Жансая ЕРТАЙ
