Қазақстанның мұрағаттары, мұражайлары мен кітапханалары меншіктің басқа түріне көшіріледі, деп мәлім етті ҚР мәдениет және спорт министрі Арыстанбек Мұхамедиұлы.
«Біз жақында Ұлттық мұражайды республикалық мемлекеттік кәсіпорын құрылымына алмастырдық. Біздің алдымыздағы міндет – мұражайларымызды, қорықтарымыз, кітапханаларымыз бен, мүмкіндігінше, мұрағаттарымызды РМКК мәртебесіне көшіру. Ол бірінші кезекте олардың жұмыстарын жандандырады», – деді А. Мұхамедиұлы дүйсенбі күні ведомствоның кеңейтілген алқа отырысында.
Оның айтуынша, қазақстандық мұрағаттар халықаралық тәжірибені қолдануға ұмтылып, тек анықтаманы дайындаумен ғана айналыспай, сонымен қатар өздерінің ғылыми зерттеулерімен де айналысуы тиісті. Бұл ретте ол 2016 жылдан бастап қазақстандық ЖОО-лар мұражай және мұрағаттық іс мамандарын дайындауға кіріседі деді.
«Қазір әлемдік тәжірибе – мұражай және мұрағаттық іс мамандарын дайындаумен шығармашылық ЖОО-лар айналысады. Ол қазір уақыт талабы. Осыған қатысты, құрметті шығармашылық ЖОО-лардың ректорлары, сіздер 2016 жылы осы мамандықтар бойынша студенттерді қабылдауды жоспарлап қоюларыңыз керек», – деді А. Мұхамедиұлы.
ҚазТАГ