Қазақстанда білім мен ғылым саласындағы плагиаттыққа бақылауды күшейтпекші, деп мәлім етті ҚР Білім және ғылым министрлігінің (БҒМ) білім мен ғылым саласындағы бақылау комитетінің төрағасы Саят Нүсіпов.
«Ғылыми тұрғыдан плагиаттық мәселесі бар – біз оларды тексеріп, өзіміз заңды жолмен талдап және оларды бақылауға аламыз», – деді С. Нүсіпов журналистерге сейсенбі күні «Ғылым мен технологиялар этикасы: Қазақстан Республикасындағы даму келешегі мен проблемалары» тақырыбындағы дөңгелек үстелде.
Сонымен қатар «Ғылым мен технологияларды бағалау ұлттық орталығы» АҚ-ның президенті Асанбай Жұмабековтың пікірінше, плагиатты тиімді анықтау үшін заңнамалық өзгерістер қажет. «Плагиаттықты анықтап және дәлелдеу үшін заңнамалық негіз керек. Жәй әшейін біреуді «көшіріп алған» немесе жалған мәліметтер келтірген деп айыптауға ешкімнің құқығы жоқ. Плагиаттықты анықтаған күннің өзінде, оны жазалаудың заңнамалық негізі керек. Бұл – әдетте, әлемдік тәжірибеде сотқа дейінгі қарастырылатын іс болып, егер этикалық мәселелерде заң бұзушылықтар анықталса, ол адамның аты-жөні бүкіл елге жарияланып, халықаралық тәжірибеде ол адам жұмысынан айрылады. Одан ары ол ғылыми жобаларға қатыса алмайды және ғылыми атағынан айрылады», – деп түсіндірді ол ҚазТАГ агенттігіне берген түсініктемесінде.
ҚазТАГ