Қостанай облысында 1-сұрыпты нан бағасы қымбаттайды, деп хабарлады ҚазТАГ тілшісі. «Облыста нан бағасы 4 жылдан бері көтерілген жоқ, сондықтан қазір қымбаттайды. Өңірдің барлық наубайханалары өте күрделі жағдайда тұр», – деді дүйсенбі күні аппарат кеңесінде облыс әкімі Нұрлан Сәдуақасов.
Хабарда айтылғандай, қазір Қостанай облысында 1-сұрыпты 500 граммдық нан бағасы елімізде ең арзан – 42 теңге тұрады. Бұрындары облыс нан бағасын тұрақтандыру қорының есебінен ұстап тұрған, енді ол ресурс наубайханалардағы нан өндірісінің шығындарын жаппай жатыр.
Облыс басшысының тапсырмасымен есептеулер жасалуда. Болжам бойынша, нан бағасы 3-4 теңгеге қымбаттайтын шығар.
ҚазТАГ