Қырғызстанның президенті Алмазбек Атамбаев өткен аптаның сенбісінде Бішкекте өткен сенбілікке қатысты. Көпшілікпен бірге топырақ қопсытып, көшеттерді суарған президент бұл кәсіпті өте жақсы көретінін айтып, ағынан жарылды.
– Жерді баптап, суару – менің дүниедегі ең жақсы көретін жұмысым. Шөліркеп тұрған жерді суару, жердің суды ішкенін сезіну – ғанибет іс. Ертеңіне сарғыш тартқан шөптердің көгере бастағанын көргенде ләззат аласың. Менің қазіргі жұмысым зор қажыр-қайратты қажет етеді. Өкінішке қарай, ол жемісін де бірден бере қоймайды. Дегенмен, жағымды өзгеріс бар деп ойлаймын, әсіресе энергия саласында. Келер жылдың көктемінде бұл қызметтен кеткен соң, мен көшет отырғызып, оларды суарумен айналысатын боламын деп үміттенемін. Қазір бұған уақыт жоқ, – деді президент.
oinet.kz
