«Общественная позиция»
(проект «DAT» №09 (280) от 05 марта 2015 г.
Апта аптығы
Кеше ҚР президентінің кеңесшісі Мұхтар Құл-Мұхаммед қызметінен босатылды, деп хабарлады елбасының баспасөз қызметінен. «Мемлекет басшысының Өкімімен Мұхтар Абрарұлы Құл-Мұхаммед Қазақстан Республикасы президентінің кеңесшісі қызметінен босатылды», – делінген сәрсенбі күні Ақорданың сайтында жарияланған хабарда.
Еске салсақ, ол президент кеңесшісі қызметінде 2014 жылғы наурыздан бері отырған. Бұған дейін ШҚО, Қызылорда облыстарының әкімі, ҚР Мәдениет және ақпарат министрі болған Құл-Мұхаммед мырзаның не себептен қызметінен алынғаны белгісіз. ҚР президентінің жарлығында «басқа жұмысқа ауысуына байланысты» деген ескертпенің болмауына қарағанда, ол Ақорданың номенклатурасынан біржола шығып қалған сыңайлы.
Қалай болғанда да, біз газеттің алдыңғы сандарының бірінде Құл-Мұхаммедтің «лауазымдық тағдырына» байланысты саяси портрет жариялайтын боламыз.
«D»
