Астананың №2 Есіл аудандық сотының судьясы Айбек Әмірғалиев ҚР Спорт және дене шынықтыру ісі жөніндегі агенттік төрағасының бұрынғы орынбасары Азамат Туматаевқа жеке мүлкін тәркілей отырып, Т60 млн көлемінде айыппұл салу туралы үкім шығарды, деп хабарлады агенттік тілшісі.
«Туматаев Азамат Самудинович ҚР ҚК 366-бабы 2-бөлімінда қарастырылған қылмысты жасағаны үшін айыпты деп танылсын және оған пара сомасынан 60 есе көлемде, яғни 60 миллион теңге көлемінде айыппұл өндіріліп, жеке мүлкін тәркілей отырып, 7 жылға дейін мемлекеттік қызмет және жергілікті өзін-өзі басқару органдарында қызмет атқару құқығынан айырылсын», – деді А.Әмірғалиев сейсенбіде үкімді жария етіп тұрып.
«Қамау түріндегі бұлтартпау шарасын үкім заңды күшіне енгенге дейін кепілге өзгертсін, ол сот залындағы қамаудан дереу босатылсын», – деп толықтырды ол.
ҚазТАГ
