Бизнесмен Кеңес Рақышев «БТА Банк» акцияларының қалған пакетін «Қазкомға» сатты және екі банктің бірігу үдерісінің аясында «Қазкомның» ірі акционеріне айналды.
«Қазком» Кеңес Рақышевтен бір акция үшін 0,24162 теңге бағасы бойынша «БТА Банктің» 304 187 299 781 жай акциясын сатып алды. Осының нәтижесінде «Қазкомның» «БТА Банктегі» үлесі 47,415%-дан 94,83%-ға өсті. «Самұрық-Қазына» қорынан сенімгерлік басқаруға алынған акцияларды (4,26%) есепке алатын болсақ, «Қазком» «БТА Банктің» 99,09% жай акциясымен дауыс беру мүмкіндігіне ие болды», – делінген сейсенбіде таратылған ККБ баспасөз парақшасында.
Сонымен қатар осыған дейін жарияланған ҚКБ жай акцияларын орналастыру шарасының аясында Кеңес Рақышев мырза бір акция үшін 575,2 теңге бағасы бойынша «Қазкомның» 127 777 704 жай акциясын сатып алды және қажетті реттеуші рұқсаттарды ала отырып, «Қазкомның» жаңа ірі акционері атанды.
ҚКБ жай акцияларын акционерлер мен инвесторлар арасында орналастыру нәтижелері бойынша акционерлердің – жай акция ұстаушылардың құрамы келесідей: «Орталық Азиялық инвестициялық компания» – 23,27%, Нұржан Субханбердин – 18,64%, «Alnair Capital Holding» АҚ – 28,08%, «Самұрық-Қазына» – 10,72%, К. Рақышев – 16,02%, миноритарий – 3,27%.
ҚазТАГ
