Четверг , 19 ноября 2026

БАҒА ҚАЙДА БАРАСЫҢ?

Қазан айын­да Қаза­қстан бой­ын­ша шикі мұнай мен оны өңдеу өнім­дерінің баға­сы өсті. Ұлт­тық ста­ти­сти­ка бюро­сы­ның мәлі­метін­ше, шикі мұнай­дың бір тон­на­сы­ның орта­ша баға­сы 104,5 мың тең­ге­ге жет­кен. Бұл был­ты­рғы осы кезең­мен салы­сты­рған­да 8,6 пай­ыз жоға­ры..

Шикі мұнай, әсіре­се батыс аймақтар­да көбірек қым­бат­таған. Мәсе­лен, Маңғы­стау облы­сын­да бір тон­на мұнай­дың баға­сы 12,8 пай­ыз өсіп, 120,9 мың тең­ге­ге жет­кен. Аты­рау облы­сын­да да айтар­лы­қтай өсім бай­қа­ла­ды. Мұн­да баға 9 пай­ыз көтеріліп, тон­на­сы 99 мың тең­ге болған. 

Мұнай өндіретін басқа өңір­лер­де де баға өскен. Қызы­лор­да облы­сын­да шикі мұнай­дың бір тон­на­сы 119,7 мың тең­ге­ге баға­ла­нып, был­ты­рғы көр­сет­кі­ш­тен 3,2 пай­ы­зға артқан. Ақтө­бе облы­сын­да баға 2 пай­ы­зға өсіп, 120,5 мың тең­ге­ге жеткен.

Алды­ңғы айда бен­зин өндіру­шілер баға­ны орта есеп­пен 4,4 пай­ыз көтер­ген. Соның нәти­же­сін­де бір тон­на бен­зин­нің құны 201,1 мың тең­ге болған. Дизель оты­ны­ның баға­сы да 3,7 пай­ыз өсіп, тон­на­сы 255,5 мың тең­ге­ге жеткен.

Негіз­гі жанар­май түр­лері­нен бөлек, өзге мұнай өнім­дері де қым­бат­таған. Сұй­ы­ты­лған про­пан мен бутан­ның баға­сы 7 пай­ыз өсіп, тон­на­сы 75,5 мың тең­ге болған. Тұр­мыстық пеш оты­ны бар­лық санат­тың ішін­де ең жоға­ры өсім­ді көр­сет­кен. Оның баға­сы 16,2 пай­ыз қым­бат­тап, тон­на­сы 221,8 мың тең­ге­ге жет­кен. Жол биту­мы­ның баға­сы да 5 пай­ыз өсіп, 237,4 мың тең­ге бол­са, мазут 1,6 пай­ыз қым­бат­тап, тон­на­сы 104,9 мың тең­ге болды.

Олар­дан басқа халық күн­делік­ті тұты­на­тын азық-түлік­тің көтер­ме баға­сы да қым­бат­тап бара­ды. Ұлт­тық ста­ти­сти­ка бюро­сы­ның мәлі­метін­ше, бір жыл­да бұл тау­ар­лар­дың көтер­ме баға­сы 9%- ға өскен. Бұл рет­те отан­дық өнім­дер­дің көтер­ме баға­сы 13%- ға, ал ТМД елдері­нен импорт­та­ла­тын тау­ар­лар 5,8%- ға, өзге мем­ле­кет­тер­ден жет­кізілетін өнім­дер 1,2%-ға қымбаттаған.

Өңір­лер ара­сын­да көтер­ме баға­ның ең жоға­ры өсі­мі Ақтө­бе облы­сын­да бай­қалған. Мұн­да көр­сет­кіш бір жыл­да 30,6%- ға артқан. Ал Аты­рау облы­сын­да баға 14,9%-ға, Ұлы­тау облы­сын­да 12%- ға өскен.

Азық-түлік тау­ар­ла­ры­ның ішін­де өңдел­ген көкөністер 16,2%-ға, ал жаңа піс­кен көкөністер 13,3%-ға қым­бат­таған. Бұдан бөлек, қант­тан жасалған кон­ди­тер­лік өнім­дер­дің баға­сы 16,2%- ға, шоко­лад 10,5%-ға өскен. Сон­дай-ақ еттің баға­сы 14,6%-ға, жар­ма өнім­дері 11,2%-ға, сары май 10,7%-ға, жұмыр­тқа 8,6%-ға, жаңғақ 7,5%-ға, кофе 7,3%-ға, ал дәм­де­уі­ш­тер 6%-ға өскен.

Ал бір жыл ішін­де тек қант пен жеміс-жидек ғана арзан­даған. Атап айтқан­да, қант баға­сы 7,8%-ға, жеміс-жидек 0,5%-ға төмендепті.

Кезін­де Абы­лай ханың ақы­л­шы­сы болған Бұқар жыраудың:

«Керей қай­да барасың,

Сыр­дың бой­ын көбелеп?

Сен қаш­саң да, мен қойман,

Арғы­мағым жебе­леп!» – деп баста­ла­тын тер­месі бар. Ал бүгін­гі қазақ «баға қай­да бара­сың?!» – деп толға­нып жүр!

Сар­баз ҚҰТ-МҰХАММЕД «D»

Республиканский еженедельник онлайн