ЗОРЛЫҚТАН ЗӘБІР КӨРГЕНДЕР Назарбаевтардың қиянатынан араша сұрайды!

ҚР Бас прокуроры

Берік Асы­ло­вқа!

Өткен апта­да, қыр­күй­ек­тің 25‑і күні Мәжілістің жал­пы оты­ры­сын­да депу­тат Ринат Зай­ыт Пре­зи­дент Қасым-Жомарт Тоқа­ев­тың «Әділет­ті Қаза­қстан» иде­я­сын қол­дау және оны жүзе­ге асы­ру жолын­дағы кінәрат­тар­ды жою мақ­са­тын­да депу­тат­тық сау­ал жол­даған еді. Онда Болат Назар­ба­ев­тың ұлы Нұр­бол Назар­ба­ев­тың заң мен әділет ата­улы­ны бел­ден басып, бірқа­тар аза­мат­тарға қаты­сты жасаған қия­нат­та­ры тура­сын­да сөз бол­ды. Әріп­тес інім­нің депу­тат­тық сау­а­лын мен де қол­дап, қол қой­дым.

Менің бүгін­гі депу­тат­тық сау­а­лым Ринат мыр­за көтер­ген тақы­рып­тың жалға­сы және Мәжіліс тара­пы­нан жасалған жос­пар­лы науқан сияқты көрі­нуі мүм­кін. Себебі бұл депу­тат­тық сау­ал да Нұр­бол Назар­ба­ев­тың қыл­мысты қия­нат­та­ры­на қаты­сты бол­мақ. Және бұл да оның жазы­қ­сыз аза­мат­тарға жасаған зор­лы­қта­рын сөз ететін депу­тат­тық сауал.

Жоқ, Нұр­бол Назар­ба­евқа қар­сы Мәжіліс тара­пы­нан неме­се депу­тат­тар өза­ра ұйым­да­сты­рған ешқан­дай жос­пар­лы әре­кет жоқ. Бұны тек аты­шу­лы әулет өкіл­дерінің елде 30 жылға жуық жасаған қия­нат­ты қыса­сты­ғы мен заң­сызды­қта­ры­нан зардап шек­кен аза­мат­тарға қаты­сты әділет­тілік­ті орна­ту­дың ғана әре­кеті деп түсі­ну керек.

Тиісті мем­ле­кет­тік орган­дар да осы депу­тат­тық сау­ал­дар­да қозға­ла­тын мәсе­ле­лер­ге әділет­тілік­ті қалып­та­сты­руға деген ықы­ла­сты және табан­ды ұста­ны­мға берік болуы тиіс деп есеп­тей­міз. Егер мүд­делі құқық қорғау орган­да­ры аза­мат­тар аты­нан жол­данған көз жасқа толы өтіні­ш­тер­ді жылы жауып қоя­тын бол­са, бұны Пре­зи­дент Тоқа­ев­тың «Әділет­ті Қаза­қстан­ды» қалып­та­сты­ру баста­ма­сы­на қар­сы жасалған нақақ қастық деп түсі­ну керек! 

Менің депу­тат­тық құзіреті­ме жүгініп, Нұр­бол Назар­ба­ев­тың биз­не­сті рей­дер­лік жол­мен тар­тып алу әре­кет­теріне қаты­сты бұған дей­ін де бір­не­ше өтініш келіп түс­кен еді. Олар­дың бірқа­та­рын бұрын­да мен жаз­ба­ша түр­де Бас про­ку­рор­дың аты­на жолдағанмын. 

Еске сала кетей­ін, әділет ізде­ген бір емес, екеу емес, бір мың­нан астам адам­нан – Алма­ты облы­сы, Қара­сай ауда­ны, бұры­нғы Камен­ское мал асыл­дан­ды­ру зауы­ты жұмыс­шы­ла­ры­ның аты­нан келіп түс­кен өтіні­шті мен үш рет депу­тат­тық сау­ал ретін­де жол­даға­ным осын­да оты­рған әріп­те­стерім­нің есін­де болар. «Мықты­ның арты диір­мен тар­та­ды» деген­дей, аға­сын арқа­ланған Нұр­бол Назар­ба­ев бүкіл бір кең­шар жұмыс­шы­ла­ры­ның жеке­ше­лен­діру­ге беріл­ген 9 мың гек­тар­дан астам жер үлесін тар­тып алға­ны жөнін­де­гі менің депу­тат­тық сау­а­лым Бас про­ку­рор­дың алдын­да да сөз болған еді. Бірақ одан әділет­ке лай­ық нәти­же болмады.

Міне, сол «мықты» Нұр­бол Назар­ба­ев жасаған зор­лы­қтан ара­ша сұрап, рей­дер­лік жол­мен тар­тып алы­нған биз­несін қай­та­рып беруді өтін­ген қараған­ды­лық Қуат Ермен­та­ев деген аза­мат­тан тағы да өтініш түсті. Бұл жігіт сол рей­дер­лік шабуыл­дан кей­ін бар­лық мүл­кі­нен айы­ры­лып, тақы­рға оты­рып қалған.

Бір қызы­ғы – өтініш беру­шінің тала­бы бой­ын­ша 2022 жылы Алма­ты қала­сы­ның про­ку­ра­ту­ра­сы мен Алма­ты қала­сы бой­ын­ша эко­но­ми­ка­лық тер­геп-тек­се­ру депар­та­мен­ті оның мүл­кін, атап айтқан­да, «PORUS» ЖШС-дегі үлесін рей­дер­лік басып алу фак­тісі бой­ын­ша қыл­мыстық іс қозғаған екен. 

«Бірақ бел­гілі себеп­тер­ге бай­ла­ны­сты мен ол кез­де рей­дер­лік басып алу Нұр­бол Назар­ба­ев­тың нұсқа­уы бой­ын­ша жасал­ды деп айта алма­дым» дей­ді менің депу­тат­тық қабыл­да­уым­да болған өтініш иесі. Алай­да ара­да екі жыл өткен­де – 2024 жылы Алма­ты қала­сы­ның про­ку­ра­ту­ра­сы қозғалған қыл­мыстық істі «қыл­мыс құра­мы­ның бол­мауы­на бай­ла­ны­сты» деген желе­умен тоқтатқан. Себебі айт­па­са да түсінік­ті: про­ку­ра­ту­ра Назар­ба­ев­тар­дың дегенін орындаған.

Бұл қыл­мысты мәсе­ленің егжей-тег­жей­ін тіз­бек­теп, осы зал­да сөз ету артық болар, менің аты­ма келіп түс­кен өтіні­штің түп­нұсқа­сын (көр­се­ту) сіздің аты­ңы­зға жол­дай­мын, құр­мет­ті Бас про­ку­рор мыр­за! Заң­на­ма­ның «жілік май­ын шағып ішетін» май­тал­ман маман – Бас про­ку­рорға менің ақыл үйрет­кенім де орын­сыз болар. Тек қана 2022 жылы Алма­ты қала­сы­ның про­ку­ра­ту­ра­сы мен Алма­ты қала­сы бой­ын­ша эко­но­ми­ка­лық тер­геп-тек­се­ру депар­та­мен­ті қозғаған қыл­мыстық істі қай­та­дан көтеріп, зар илеп, жапа шек­кен өтініш иесінің аргу­мент­терін құлаққа ілсеңіз­дер жет­кілік­ті деп ойлаймын.

Қай­та­дан көтеріл­ген сол істің заң­ды нәти­же­сі жөнін­де мені ғана емес, бұры­нғы билік­тің Нұр­бол Назар­ба­ев сияқты қия­нат­шы­ла­ры­нан зардап шек­кен қоғам­ды да хабар­дар етсеңіз деп сұрай­мын. Заң­сызды­қтан зәбір көр­ген аза­мат­тарға қорған болай­ық, Бас про­ку­рор мырза!

Ермұрат БАПИ, ҚР Пар­ла­мен­ті Мәжілісінің депутаты