Қазақ шоу-бизнесіне «Мутырганчик» деген атпен танылған цирк әртісі Мұрат Мұтырғанов, бұйыртса, әке болуға қамдану үстінде. Бұған дейін отбасылық қуаныштарын құпия сақтап келген жас жұбайлар Сomode.kz сайтына берген сұхбатында соңғы жаңалықтарымен бөлісіпті.
«Басымызға бас қосылмақ. Ер адам үшін әйелінің жүктілігі әрі қуанышты жағдай, әрі көңіл-күйіміздің қобалжып жүретін уақыты. Мен жұбайымның еркелігін барынша көтеруге тырысамын. Сәбилі болған ер адамдар мені түсінеді деп ойлаймын», – дейді цирк өнерінің өкілі сол сұхбатында.
Ескерте кетейік, Мұрат Мұтырғанов былтырғы жылдың күзінде орда бұзар отызында орыс қызы Алесямен отау құрған еді. Енді, міне, сол Алеся-ару, ай-күні бұйыртса, Мұратқа нағыз «Мұтырғанчикті» сыйлайды.
