«Общественная позиция»
(проект «DAT» №44 (315) от 17 декабря 2015 г.
Апта аптығы
Мойындау
Қазақстан билігі дағдарыстың болатынын күнібұрын сезгенімен, дәл осындай ауыр болады деп күтпеген. Бұл туралы жексенбі күні мемлекеттік телеарнадан берілген сұхбатта Қазақстан президенті Нұрсұлтан Назарбаев мойындады.
«Біз бүгінгі дағдарыс туралы білгенбіз, бірақ қаншалықты қиын тиетінін білмедік. Біздің экспорттық тауарларымыз – мұнай, металдар, газ бағасы құлдырады, әсіресе мұнай бағасы құлады: жыл ортасында 115 доллар тұрған мұнай қазір 40 доллардың төңірегінде. Мұның барлығы біздің бюджетіміздің кірісін 180 миллиард теңгеге кемітті», – деді ол.
Қазіргі кезде дағдарыс жағдайындағы іс-қимылға қатысты тиісті жұмыстар атқарылып жатқанын айтқан Назарбаевтың сөзінше, көршілес Ресейдің жағдайы да Қазақстанға кері әсерін тигізген. «АҚШ пен Еуропада экономикалық ахуал тұрақты. Бізге қатты тиіп тұрғаны – Ресейдің жағдайы, оның Еуропамен және Қытаймен қайшылығы. Қытайдағы ахуал да бізге кері әсерін тигізді», – деді Назарбаев.
Azattyq.org