«ӨЛСЕ – ҮЙІНДЕ ӨЛСІН» – билік Ароннан құтылуға асық болған

Арон ешқан­дай шар­тты түр­де боса­туға өтініш жазған жоқ, яғни өзіне тағы­лған айып­ты мой­ын­да­ма­ды. Және соңғы болған – 1 қазан­дағы табан асты ұйым­да­сты­ры­лған онлайн сотқа да ол өзін мерзі­мі­нен бұрын боса­ту жөнін­де­гі шешім­ді мой­ын­да­май­ты­нын айтты.

Мен интер­нет желісі арқы­лы жүр­гіз­ген тіке­лей эфир­де, өзі айтқа­нын­дай, сот­тан кей­ін Арон­ды алдап, ұшаққа әкеп салған. Сон­ды­қтан Арон Ата­бек өзінің толық ақта­уын (реа­би­ли­та­ци­я­сын) талап етіп отыр. Аны­ғын­да ол толық бостан­ды­ққа шыққан жоқ, про­ба­ци­яда, яғни бостан­ды­ғы шектелген.

Ден­са­улық жағ­дай­ын айт­сам, аяқ-қолы «іске жарам­сыз». Оның ден­са­улы­ғын толық тек­сер­тіп, зерт­те­уден әлі де өткі­зуі­міз керек. Себебі пав­ло­дар­дық ауру­ха­на­ның бер­ген қағаз­да­рын­да Арон­ның мой­ын омыр­тқа­сы­ның ауруы­нан жұлы­нға зақым кел­гені жазы­лған. Аяқ-қолы­ның қимыл­да­май, көте­ре алмай­ты­ны сол жұлын­ның ауруы­нан деп көр­се­те­ді. Жұлын­ның ауруы, омыр­тқа­ның зақым­данға­ны – ойнай­тын нәр­се емес.

Бірақ басты­сы, ең қуа­нар­лы­ғы – Арон Ата­бек­ті бұл сая­си жүйе сын­ды­ра алмаған, аға­ның рухы сынбаған.

Жал­пы, Арон аға кел­ген күн­нен бері аз-аздап жөтеліңкіреп, тамақ ішіп жатқан кез­де қақа­лып қалып оты­рға­нын бай­қа­дық. Бірақ аға «мен­де жөтел жоқ, бәрі дұрыс» деген соң, оған аса мән бере қоймадық.

Ал сей­сен­бі күні түстен кей­ін кенет­тен жөтелі жиілеп кет­ті. Жағ­дайы да ауыр­лап бара жатқан соң, жедел жәр­дем шақыр­дық. Олар келе сала сату­ра­ци­я­сын өлшеп, төмен екені аны­қта­лып, ковид­ке күдік­теніп, ауру­ха­наға жатқы­зу керек деді де, алып кет­ті. Кови­дор­та­лы­ққа алып барып, ком­пью­тер­лік тамо­гра­фқа түсіріп, өкпе­сінің 40 пай­ы­зы залал­данға­ны анықталды.

Бірақ Арон аға ауру­ха­наға жатуға қар­сы болып, алып кетің­дер деп, көн­бей қой­ған соң, үйге алып қайт­тық. Үйге жеке емха­на­ның мықты білік­ті дәрі­герін алдыр­тып, бірін­ші ем-дом­ды алдық. «ИВЛ» аппа­ратқа қосып қой­дық. Аға­ның жағ­дайы қазір бірқа­лып­ты. Кеше «Азаттық» радио­сы­нан келіп, сұх­бат алып кет­ті. Аға шама­мен 30–40 минут­тай оты­рып, сұх­бат берді. 

Үйге кел­ген дәрі­гер Арон­ның Пав­ло­дар­дағы ауру­ха­на­да жатқан­дағы дәрі­гер­лік қоры­тындысы мен кеше­гі Кови­дор­та­лы­қтан алған ана­л­из­дерінің нәти­же­лерін қарай келе, аға­ның ағза­сы­на ковид екі апта бұрын шама­сын­да түс­кен болуы керек деген шешім­ге кел­ді. Арон­ның ден­са­улы­ғы ковид­пен күре­се алмай­ты­нын көр­ген соң, ертең өліп қал­са, «жүйе қол­дан әдейі өлтір­ді, түр­ме­де өлтір­ді» деген­ге қал­май­ық, үйіне тезірек қай­та­ру керек, үйін­де өлсін» деп, сот­тың 15 күн­дік шеші­міне енуін де күт­пей, само­лет­ке алдап әкеліп салған болып тұр ғой.

Алдағы жос­пар – алды­мен аға­ның ден­са­улы­ғын қал­пы­на кел­тіріп алсақ дей­міз. Оның туы­ста­ры аға­ны шетел­ге шыға­рып емде­уді қалай­ды. Аға­ның про­ба­ци­я­сы бар болған­ды­ғы­нан, пети­ция жасап, қол жинап, билік­тің рұқ­са­тын алу қажет болып тұр. Арон аяққа тұрып кете­ді деп ойлай­мын. Ден­са­улы­ғын қал­пы­на кел­тіріп алса, жүй­е­мен күре­сті жалға­сты­ра­ты­нын айтып отыр. 

Айсұ­лу ӘУБӘКІРОВА

(Ася Асет­ки­на)