Мәселе!
«Қазақстан дауысы» жобасының мәрешісі Гүлім Жүсіпбекова дода соңында көрермендер дауысын жоғары жинағанымен, тәлімгері Медеу Арынбаевтан жоба барысында қолдау көре алмағандығын айтып шағымданды.
Естеріңізде болса, Медеу Арынбаев финал алдында: «Мен Гүлім Жүсіпбекованың «Қазақстан дауысы» жобасының финалына өткенін қаламаймын. Әрине, маған тәлімгер ретінде бұлай айту оңай емес. Өйткені тобымдағы үміткерлердің бәрі маған бірдей. Дегенмен, әділін айтатын болсақ, Гүлімге қарағанда Мақсат Мақұлбековтың ән орындау шеберлігі басым, дауысы күшті, кәсіби деңгейі жоғары», – деген пікір білдірген болатын.
Ал Гүлімнің айтуынша, сахнадағы «сатқындығы» өз алдына, дайындық барысында да тәлімгер Арынбаев шәкіртіне ешбір жетекшілік жасамаған көрінеді. Тіпті жоба басында Медеудің таңдап алған шәкірттеріне келіп: «Мен қыздармен жақсы жұмыс жасай алмаймын», – дегені бар көрінеді.
Медеудің мұнысы – әрине, жұмбақ… «Қыздармен жұмыс жасай алмағаны» несі? Оның үстіне Гүлім сияқты гүлдей қызбен «жұмыс жасау» керемет емес пе? Соған қарағанда, Медеудің «жұмыс жасай алмайтыны» – сахналық шеңберден кеңірек әңгіме болса керек… Енді мұны біздің сөзқуар қазақ сан-саққа жүгіртпесе екен деп қана тілейік.