Технологиялар мен инвестицияның орнына Қазақстаннан кен орнын алуды тілейтін инвесторлар ағымдағы жылдың сәуірінде-ақ тиісті министрліктерге жүгіне алады, деп хабарлады ҚР инвестициялар және аймақтық даму министрі Әсет Исекешов.
«Қазір Энергетика министрлігімен бірлескен бұйрық әзірленіп жатыр, ол инвестиция мен технологиялардың орнына кен ұсыну тәртібін айқындайды. Мен алдағы 2 аптада осы бұйрық қабылданып, одан кейін Әділет министрлігінде тіркелетін болады деп ойлаймын. 2 комиссия құрылады: біреуі көмірсутекті шикізаты бар кенді беретін Энергетика министрлігінде және қатты пайдалы қазбалар бойынша – біздің министрлік», – деді ол сәрсенбі күні «МАЙНЕКС-Орталық Азия-2015» VI тау-кен өнеркәсібі форумында.
ҚазТАГ