«Общественная позиция»
(проект «DAT» №46 (363) от 15 декабря 2016 г.
Апта аптығы
Желідегі үш жазба
Осы 25 жылда 100 жылға татитын, істелген жұмыс – қай жұмыс?
Экономикамыз деуге аузымыз бармайды. Қай өндірісті жолға қойдық? Машина жасау, станок жасау, прибор жасау? Ұшақ жасау? Атом өнеркәсібі? Космос? Жалпы, не шығарамыз?
Ауыл шаруашылығы сол бұрынғы орнында, мал басы, сірә, кеміді.
Әлде тіліміз дамып, шын мәнінде мемлекеттік тілге айналды ма? Әлде ғылым-білім дамыды ма? Олай болса, мүмкін, әлемдік ғылыми жаңалық ашқан шығармыз?
Әлде әдебиетіміз дамып, біреу-міреу Нобель сыйлығына ие болды ма?
Мүмкін, барлық облыс орталықтары автобандармен қосылған шығар? 2–3 темір жол веткасын 100-жылдық жұмыс деуге келмес.
Шекарамыз бекіді дейтініміз қалай? Онда неге Ресей темір жолы біздің мемлекеттің ішінде жүр?
Мүмкін, мықты, тәуелсіз мемлекет құрған шығармыз? Онда неге ЕАО, КО сияқты ұйымдарға кіреміз де, соның салдарынан экономикамыз ілгерілеудің орнына кері кетеді?
Менікі әзіл емес – шыным. Түсіне алар емеспін. Осы сөз үнемі айтылып келеді, соның не екенін білгім келеді.
Қуаныш ЕДІЛХАНТЕГІ